20.07.2019-cu il tarixində, Azərbaycan Ciu Citsu Federasiyasının və Godzilla qrupun təşkilatçılığı ilə, “JUDO 2012” idman klubunun zalında Roys Qreysinin iştirakı ilə semniar keçirilmişdir.
Seminarda Azərbaycan idman dünyasının ən tanınmış nümayəndələri, məşqçilər və idmançılar iştirak etmişdir.
Sonda federasiya rəhbərliyi tərəfindən Roys Qreysi və JUDO 2012 klubunun rəhbəri Azər Əskərova qiymətli hədiyyələr təqdim olundu.
Qeyd edək ki, bu seminar Azərbaycan idman tarixində kontigentinə və səviyyəsinə görə ən yaxşı seminarlardan bir idi.
13-14 iyul 2019-cu il tarixində Rusiyanın paytaxtı olan Moskva şəhərində Braziliya Ciu-citsusu idman növü “ACBJJ World Open Championship” üzrə uşaqlar, yeniyetmələr, gənclər və böyüklər arası Dünya Çempionatı keçirilmişdir. Həmin yarışa Azərbaycan Ciu-citsu Federasiyasının yığma komandasıda qatılmışdır. Yığma komandamız bu ağır mübarizədə uğurlu iştirak edərək 2-qızıl, 8-gümüş və medal qazanmışdır. Medalçıların siyahısı:
Hüseynov Fəxrəddin (kateqoriya – Master 2 – qızıl medal)
Eynullayev Vüsal (kateqoriya – Master 2 – qızıl medal)
Fətəliyev Mehman (kateqoriya – Master 2 – gümüş medal)
Fətəliyev Mehman (kateqoriya – Master 2 – mütləq çəki – gümüş medal)
Süleymanov Ayaz (kateqoriya – Master 2 – gümüş medal)
Süleymanov Ayaz (kateqoriya – Master 2 – mütləq çəki – gümüş medal)
Mehdiyev Çingiz (kateqoriya – Master 1 – gümüş medal)
Mehdiyev Çingiz (kateqoriya – Master 1 – mütləq çəki – gümüş medal)
Gənc idmançılar arasında hərbi vətənpərvərlik,psixoloji və milli ideologiya məsələləri üzrə Departamentin sədri Müqamət Süleyman oğlu Əliyev
Biz aşağıdakı imza edənlər Gənc Vətənpərvərlər İctimai Birliyi (GVİB) və Azərbaycan Respublikasi Ciu-Citsu Federasiyası aşağıdakı işləri görməyi qərarlaşdırdıq
1.Gənc idmancılar arasında hərbi vətənpərvərlik ruhunun yüksədilməsi ;
2.İdmançılardan ibarət təşviqat dəstələrinin müharibə zonalarında,hərbi hissələrdə nümunəvi çıxışların təşkili;
3.Hərbi işə dərindən yiyələnmək,döyüş texnikasının və silahların səylə öyrədilməsi (gənclərdə hərbiyə meyli artırmaq);
4.Əhalinin xüsusilə gəncləri müharibə şəraitində zəruri keyfiyyətlərin formalaşmasında bilavastə köməklik göstərəcək idman növlərinə Ciu-Citsu,kontakt karate,Ən ənəvi karate idman növlərinə cəlb etmək. (səmti ayıretmə,piyada turizm texnikası,əlbəyaxa döyüş növləri);
5.Çağrış və səfərbərlik yaşlı gənclərin yerlərdə fiziki hazırlıq işlərini canlandırmaq;
6.Gənclərin vətənpərvərlik, azərbaycançılıq, dövlətçilik, dünyəvilik prinsipləri əsasında, Azərbaycan xalqının tarixinə, mədəni irsinə, adət-ənənələrinə, dövlət dilinə və rəmzlərinə, milli-mənəvi və ümumbəşəri dəyərlərə hörmət ruhunda tərbiyə olunması;
7.Gənclər arasında zərərli vərdişlərə qarşı və sağlam həyat tərzi ilə bağlı maarifləndirmə tədbirlərin həyata keçirilirilməsi;
8 .Ciu-Citsu idman növünün inkişafı və populyarlaşması istiqamətində birgə maarifləndirmə və idman tədbirlərin keçirilməsi;
9.Olimpiya oyunlarında iştirak edən idmaçılarlda vətənpərvərlik ,milli-mənəvi dəyərlərin və fiziki,psixoloji hazırlığı istiqamətində tədbirlərin təşkili;
10. İdman vastəsi ilə QHT arasında vətənpərvərlik hislərinin aşılanması və ictimai qüvvələrin möhkəmləndirilməsi vaistəsilə ölkədə bədən tərbiyəsi-idman hərakatının fəal iştirak etmək.
“Sakura Aikido School” məktəbində növbəti ustad dərsi keçirildi.
Azərbaycan Ciu Citsu Federasıyasının prezidenti 8 – ci dan Ciu Citsu, 7 – cı dan karate – do, qara kəmər ustadı Mirəli Seyidov ustad dərsi keçərək müəllim və təlimatçı heyyətinə döyüş fəndlərinin sirlərindən, yarış və qeyri – yarış idman növləri ilə küçədə baş verəbilcək döyüşün fərgindən, əsaslarından danışdı. Daha sonra müxtəlif istiqamətlərdə fəndlər göstərərək, rəqibi tez bir zamanda zərərsizləşdirmə metodlarını tədbiq etdi.
Azərbaycan da tanınmış idmançılar yetişdirmiş Mirəli Seyidov qeyd edir ki: ” Özünü müdafiə və əlbəyaxa döyüş sirlərinə dərindən yiyələnmək üçün mütəmadi məşq və bilgiləri əzələ yaddaşına həkk etdirmək gərəkdir… “
İdmançıların gələcəyi məşğul olduqları döyüş növlərinin fəlsəfəsini, metodunu düzgün qavramasında, təlimatçıların ifadə etməsindədir. Odur ki, belə ustad dərsləri vaxtaşırı keçirilərək şəxsiyyətin inkişafına, Azərbaycanın gələcəyinə xidmət etmiş olur.
Təlimin gedişində məlum oldu ki, zirvəyə gedən yolun çox pillələri vardır və biz bu gün növbəti pilləyə qədəm qoyduq…
p.s: “Sakura Aikido School” – da keçirilən ustad dərsində Ən Ənəvi Ciu Citsunun “Motoha Yoşin Ryu Bujitsu Azerbaijan” məktəbinin nümayəndələri də iştirak etmişdir.
06.07.2019-cu il tarixində, ingiltərədən “Gracie Barra” mektəbinin nümayəndəsi 3-cü dan qara kəmər sahibi PROF. HENRIQUE SANTANA, Bakıda seminar keçmişdir.
Seminarda Federasiyamızın vitse prezidenti Seymur Səfərov, Azərbaycan Ciu Citsu federasiyasının BJJ departamentinin məşqçi və idmançı heyəti ilə yanaşı, bir çox idmançılar iştirak etmişdir. Sonda Federasiyamızın rəhbərliyi tərəfindən sertifikatla təltif olunmuşdur. Qeyd edək ki, bu cür məşhur idmançı və məşqçilər ölkəmizə dəvət olunaraq, mütəmadi seminarlar təşkil ediləcəkdir.
19 iyun 2019-cu il tarixində, Ciu–Citsu Federasiyasının idarə heyətinin, Fövqəladə Hallar Nazirliyinin İdman – Sağlamlıq klubunda müşavirəsi keçirilmişdir.
Müşavirədə çıxış edən Ciu-Citsu Federasiyasının prezidenti Mir – Əli Seyidov Hüquq Mühafizə orqanları arasında idman əlaqələrinin və əməkdaşlığın yaradılması, bu orqanlarda peşə hazırlığının tərkib hissəsi olan xidməti – tətbiqi idman növlərinin inkişaf etdirilməsi və beynəlxalq miqyaslı tədbirlərdə layiqincə təmsil olunması məqsədilə, müvafiq departamentin yaradılmasını və bu departamentə rəhbərliyə dəvət edilməsi üçün Fövqəladə Hallar Nazirliyinin İdman – Sağlamlıq klubunun rəisi, polkovnik Füzuli Musayevi Vitse – prezident vəzifəsinə təklif etdi.
Federasiyanın qurum rəhbərləri və idarə heyəti üzvləri Fövqəladə Hallar Nazirliyinin İdman – Sağlamlıq klubunun rəisi, polkovnik Füzuli Musayevin namizədliyini dəstəkləyərək, yekdilliklə səs verdilər. Beləliklə, Füzuli Musayev Ciu – Citsu Federasiyasının vitse – prezidenti və yaradılan departamentin rəhbəri seçilmişdir.
Bu münasibətlə Vitse prezident Seymur Səfərov, ənənəvi Ciu Citsu bölümünün rəhbəri Əli Cəfərov, Federasiyanın mətbuat katibi Rüfət AbdullayevFüzuli Musayevi təbrik etmiş, işində uğurlar arzu etmişdir.
Bu gün Azərbaycan Ciu Citsu federasiyasının prezidenti, Azərbaycan idman dünyasında öz sözünü demiş Mir-Əli Seyidovun doğum günüdür. Qeyd edək ki, Mir-Əli Seyidov nəinki Azərbaycanda, ölkəmizin hüdudlarından kənarda da kifayət qədər tanınmış idmançı və məşqçidir.
Azərbaycan Ciu Citsu federasiyasının rəhbərliyi, idarə və məşqçi heyəti, idmançılar adından Mir-Əli Seyidovu təbrik edir, işlərində uğurlar və can sağlığı arzulayırıq!
Qeyd etdiyimiz kimi, 20-26 aprel 2019 – cu il tarixlərində, Birləşmiş Ərəb Əmirliklərinin paytaxtı Abu-Dhabi Şəhərində Braziliya Ciu-Citsu idman növü üzrə (BJJ) üzrə dünya çempionatı keçirilmişdir. Yarışda 70 ölkədən gəlmiş 163 komanda iştirak etmişdir. Yarışın son günündə reytinq cədvəlində, bu ölkələr arasında 🇦🇿🇦🇿🇦🇿Azərbaycan 🇦🇿🇦🇿🇦🇿 yığması 16-cı yerdə qərar tutmuşdur.
Master kateqoriyalarında mübarizə aparmış idmançılarımız Vüqar Tağıyev 110kq çəki dərəcəsində 1-ci yer 🥇(qızıl medal) , Elçin Nəbiyev 85-kq çəki dərəcəsində 2-ci yer 🥈(Gümüş medal), Mehman Fətəliyev 85-kq çəki dərəcəsində 3-cü yer 🥉(Bürünc medal), Fərhad İbrahimov 110kq çəki dərəcəsində 3-cü yer🥉( Bürünc medal) , Zaur Mehdiyev 85kq çəki dərəcəsində 3-cü yer 🥉( Bürünc medal) qazanmışlar.
Yeniyetmələrin mübarizəsində isə Emil Verdiyev 50 kq çəki dərəcəsində 1-ci yer🥇 (qızıl medal) qazanaraq fəxri kürsünün ən yüksək pilləsinə yüksəlmişdir.
Yığma komandamızın bu möhtəşəm yarışa hazırlığında əməyi keçmiş müəllim və idmançı kollektivini təbrik edir və onlara gələcək fəaliyyətlərində müvəffəqiyyətlər arzu edirik.
İlk Zəfər günü 1945-ci ildə qeyd olundu. Səhər saat 6-da SSRİ Ali Sovetinin Rəyasət Heyətinin 9 may Zəfər günü kimi təyin edilməsi və bir gündüz statusu təyin edilməsi haqqında sərəncamı bütün ölkənin səsləndiriciləri üçün təntənəli şəkildə oxundu.
